Ditën e djeshme, u përmbyll me sukses eventi i dyte i organizuar midis Sinteza Co dhe Konica Minolta, dedikuar posacërisht zgjidhjeve që ofron kjo e fundit për sektorin e shtypshkrimit dixhital. Në këtë event morën pjesë përfaqësues të 12 prej kompanive më profesionale të kësaj fushe. Të gjithë pjesëmarrësve në event ju dha mundësia të testonin modelin më të ri të MFP Digital Press nga Konica Minolta, AccurioPrint C3070L – e cila ishte e ekspozuar dhe instaluar gjatë gjithë kohës së eventit.

Gjithashtu, për herë të pare në Shqiperi, përfaqësues të Konica Minolta prezantuan edhe inovacionet dhe zhvillimet e tyre të fundit në fushën e printimit të etiketave falë modelit më të ri të AccurioLabel 230 si dhe printimit të materialeve promocionale me reliev MGI Jetvarnish 3DS. Nga të dyja këto pajisje, u prezantuan mostra të printuara dhe të ftuarve ju dha mundësia të informoheshin konkretisht për aspekte të ndryshme teknologjike që lidhen me to si dhe trendet më të fundit të zhvillimit të tregut në rajonin tonë për këtë segment produktesh.

Për të gjithë të interesuarit, mund të prenotoni testimin e pajisjes AccurioPrint C3070L duke dërguar një email me të dhënat tuaja në adresën: sinteza@sinteza-al.com